Бесқарағай ауданындағы өрт ауыздықталды

"Семей орманы" мемлекеттік орман табиғи резерватының аумағындағы өрт кеше таңертең ауыздықталды. Қазіргі уақытта оқиға орнында "Семей орманы МОТР" ММ Орман шаруашылығы және жануарлар әлемі комитетінің мамандарынан құралған комиссия өрт шарпыған аудан мен келтірілген материалдық шығынды есептеу үшін жұмыстар жүргізуде.

Естеріңізге сала кетейік, орман 23 сәуірден бастап өртке оранды. Оны сөндіруге 400-ден астам маман жұмылдырылды.

ШҚО ТЖД баспасөз қызметі мәлімдегендей, тілсіз жаумен күресте Қазәуеорманқорғау және Қазәуеқұтқару қызметкерлерінің көмегі көп болды. өрт қаулаған күні, 24 сәуірде, МИ-8 және МИ-26 ұшақтары әуеден 50 рет су құйған.