Қазақстан билігі бейбіт жиын туралы заң жобасын мақұлдады

Қазақстан Парламенті Сенаты бейсенбі күнгі пленарлық отырыста "Қазақстан Республикасында бейбіт жиналыстар ұйымдастыру және өткізу тәртібі туралы" заң жобасын бірінші оқылымда мақұлдады. Бұған дейін Мәжіліс депутаттары заң жобасына "жиналыс өткізу пайдасының презумпциясы" жаңа норманы енгізген.

- Бұл жиналысты өткізуге шектеу немесе тыйым салу үшін негізді себептер болмаған жағдайда мұндай жиналыс өтуі мүмкін дегенді білдіреді, - деп атап өтті Мәжіліс депутаты Қанат Мусин.

Сондай-ақ, бейбіт жиналыстар арнайы орындарда өткізілуі тиіс екендігі анықталды. Бұл орындарды заң жобасына сәйкес жергілікті өкілді органдар анықтайды. Заң жобасында осындай орындарға бірқатар талаптар тұжырымдалған.

- Митингтердің қалалар мен ауылдардың орталық бөліктерінде болуы, бейбіт жиналыстардың мақсатына жету мүмкіндігін, ұйымның ыңғайлылығын, ұйымдастырушылардың және қатысушылардың инфрақұрылым объектілерін пайдалану мүмкіндігін, санитарлық нормалар мен ережелердің сақталуын, бейбіт жиналыстарды ұйымдастырушылар мен қатысушылардың, басқа да адамдардың қауіпсіздігін қамтамасыз етуі тиіс, - деп атап өтті Қанат Мусин.