Өскемен мен ШҚО Өскеменде ДЦП-мен ауыратын балаларға Оңалту орталығы ашылады
"Ерекше" күтімді қажет ететін балаларды енді елдің басқа қалалары мен шетелге апарудың қажеті жоқ
Қозғалыс әрекеттері мен миы қызметі қалыпты дамымаған балаларға оңалту орталығын құру туралы ой Ана мен бала орталының директоры Ермек Омарбековтың басына келген.
- Соңғы уақыттары церебралды паралич дертіне шалдыққан балалар көбейіп кетті әрі бұл бәрінің үрейін ұшырған диагнозға айналды. Сондықтан мұндай балаларды емдейтін орталық қажет. Облыс әкімдігі, облыстық денсаулық сақтау орталығының қолдауымен осындай бөлімше ашуды жоспарлап отырмыз, - дейді Ермек Сембайұлы.
Оңалту мекемесі Ана мен бала орталығында ашылуы мүмкін. Жиырма орынға арналып ашылмақ. Орталыққа Корея мен өзге де елдерден мамандар келіп жұмыс істейтін болады.
