Лейкозға шалдыққан құтқарушының анасы: "Шетелде емес, елде емделу қажет!"

Бауыржанға көмектесу үшін осы жылы жазда қайырымдылық есепшоты ашылған болатын. Тұрғындар бей-жай қалмай, көмек беріп жатты. Ал қазан айында Бауыржанға ота жасалып, ми сүйегі ауыстырылды. Ота Астанадағы Ұлттық онкология мен трансплантация орталығында жасалды.

- Донорды ұзақ іздедік. Ата-анасы егде тартқандықтан, дәрігерлерден одан донор алудан бас тартты. Бірақ уақыт тығыз болғандықтан, Бауыржанның анасы донор боламын деп шешті, - дейді жұбайы Салтанат.

Бауыржанға да, оның анасына ота ойдағыдай жасалды. Екеуі де қазір дәрігердің бақылауында.

- Бізге қол ұшын берген жандардың барлығына алғыс айтамын, - дейді науқастың анасы Сайраш Забуранов.

Айта кету керек, ота тегін жасалды. Бірақ елден жиналған қаржы дәрі-дәрмек пен жолға кеткен.

- Кореяға барып ота жасатуға мүмкіндік болды. Бірақ ол жақ қымбат. Ондай отаны елімізде де жасайтын болса, онда неге шетелге шығуымыз керек! Әдісі бір ғой! - дейді Сайраш ана.