Өскемен мен ШҚО Өскеменде нашақорлар жиналып, есірткі шегетін пәтер анықталды
Полицейлер нашақорлар жиналатын пәтердің Защита ауданында орналасқанын айтады
ШҚО ІІД есірткі бизнесіне қарсы күрес басқармасының қызметкерлері жедел іздестіру тобын құрып, Защита ауданындағы бірнеше үйді тексеріп шығып, Косарев көшесіндегі үйдің ішінде нашақорлардың жиналғанын анықтаған.
Ал бұл үйдің иесі 37 жастағы қала тұрғыны болып шыққан. Ол үйін нашақорларға жалдауға берген. Әрі есірткі заттарын, психотроптық қоспаларды қолдануға рұқсат берген. Пәтердің ішінен он шақты шприц, есірткі дайындауға арналған ыдыстар мен флакон табылған.
Үйін жалға берген әйелге қатысты қылмыстық іс ашылды.