Мүгедектерге төленетін жәрдемақы өспек

Ал мүгедек жандарға берілетін жәрдемақыға күнкөріс деңгейіне тең қаржы қосылып берілмек. 

Бұған дейін мүгедек жандарға мемлекеттік жәрдемақы мен арнаулы жәрдемақы бөлек-бөлек беріліп келген еді. Ендігі уақытта бұл екі жәрдемақы қосылып, бірге беріледі. Бұл құжат жинау жұмыстарын біршама оңайлатпақ. 

- Мүгедек жандарға берілетін жәрдемақы өседі. Ал ол күнкөріс деңгейіне қарай есептеліп беріледі, - дейді «Азаматтарға арналған үкімет» мемлекеттік корпорациясына қарасты «Әлеуметтік төлемдерді ведомствоаралық есептеу орталығының» директоры Жанат Өмірғалиева.

Нәтижесінде, жалпы аурудағы 1-топтағы мүгедек 43 538 теңге алып жүрген болса, енді ол 54 306 теңге, 2-топтағы мүгедек 43 275 теңге, 3-топтағы мүгедек 29 416 теңге, жұмыс орнында мертіккен 1, 2, 3-топтағы мүгедек жандар да жоғарыда көрсетілген соманы жәрдемақы түрінде алмақ. 

Ал 16 жасқа толмаған мүгедек балалар 32 042 теңге алса, енді олар 39 598 теңге алады, 1-топтағы бала күнінен мүгедектер жәрдемақысы 54 306 теңгеге, 2-топтағылар 44 972 теңгеге, 3-топтағылар 33 941 теңгеге өспек.