6 қарашаға арналған таңғы жаңалықтар легі

Марсель қаласында екі үй құлады

Марсель қаласының орталығында апатты жағдайда тұрған екі үй құлап, тоғыз адам жоғалып кетті, деп хабарлайды La Provence баспасы.

Құлағалы тұрған апатты үйлерден тұрғындар көшірілген, алайда кейбір азаматтар ішкі көрінбей кіріп кетуі мүмкін. Олай болатын болса, онда олар қираған үйдің астында қалуы мүмкін. Қазір құтқару қызметінің мамандары іздеп жатыр.

Израиль Сирияға шабуыл жасауға дайын

Егер Сирия Израильге соққы жасайтын болса, онда еврей билігі де жауап қайтаруға әзір. Мұны Ресей-Израиль үкіметаралық комиссияның қосарлас төрағасы Зеэв Элькин хабарлап отыр. Төрағаның айтуынша, С-300 қаруын дұрыс қолданбаса, қарапайым азаматтар отырған жолаушылар ұшағына тию мүмкін, содан қауіптену керек.

- Егер сириялықтар Израиль аймағындағы әскери ұшақты не жолаушылар ұшағын атып түсіруді ойласа, Израиль билігі де бірден шабуыл жасайды, - дейді Зеэв Элькин.

Ұлыбританияда үкіметке қарсы наразылық акциясы өтті

Лондон қаласының орталығында жыл сайын өтетін "Миллион маск маршы" наразылық акциясы өтті. Шараға қатысушылар ғаламтордағы сөз бостандығын талап етіп, саяси көзқарасты еркін жариялауды сұрауда.

- Үкімет өкілдерінің билікті өз мақсатына пайдаланып жатқанын білеміз. Біз мұнымен келіспейміз, - деп жазды наразылық акциясын ұйымдастырушы Anonymous қозғалысы Facebook желісінде.

Мұндай акция осымен бесінші жыл ұйымдастырылып отыр. Акцияны ұйымдастыруға үкімет үш сағат уақыт береді. Әдеттегідей, билік өкілдері наразылыққа шыққан азаматтарды ұстап, алаңнан қуып тынады.