8 ақпанға арналған әлемдік жаңалықтар легі

Тайвандағы жер сілкінісінен тоғыз адам қаза тапты

Тайвандағы жер сілкінісінен қаза тапқандардың саны тоғыз адамға өсті. Тағы 265 адам зардап шегіп, 62 адам іс түссіз жоғалғандардың қатарына кірді, деп хабарлайды РОСБАЛТ.

6,5 балл магнитудалы апатты жер сілкінісі аралдың шығыс жағалауында орын алды. Жерасты соққыларының эпицентрі Хуалянь уездінің жағалауындағы теңіз акваториясында болған. Ал ошағы 10 шақырым тереңдікті көрсетті.

Жер сілкінісінен соң өңірдегі жер асты соққылары бірнеше рет қайталанды.

 

Пентагон Ауғанстан бойынша барлау деректерін Ресеймен бөліспек

Ауғанстандағы НАТО әуе күштерінің қолбасшысы Джеймс Хекер Пентагонның Ауғанстан бойынша барлау деректерін Иран, РФ және Пәкістан елдерімен айырбастай алатыны туралы айтты, деп хабарлайды Корреспондент.net.

- Пәкістан, Иран және Ресей елдерімен ортақ ұстаным таба аламыз ба деген үміт бар. Олар да көптеген есірткілердің осы елдерге келетінін біледі. Иран Ауғанстаннан келетін ауызсуға қарап отыр. Сондықтан бұл ортақ мүдделер, - дейді Хекер.

Егер өңірлік елдер АҚШ-қа терроризммен күресуге көмектескісі келсе, олар ұтымды ынтымақтастыққа келе алады.

- Президент (Дональд Трамп) айтып өткендей, өңірлік елдер терроршыларға қолдау көрсетпесін деп қысым көрсетеміз. Бірақ, егер көмектескісі келсе біз бірге жұмыс істеуге дайынбыз және терроршылар желісінен құтылу үшін барлау ақпараттарымен бөлісеміз, - дейді Пентагон өкілі.

 

Венесуэла билігі оппозициямен келісім жобасына қол қойды

Венесуэла басшысы Николас Мадуро ел оппозициясымен бейбіт өмір сүру туралы жобаға қол қойды. Бұл туралы «Венесуэлалық жаңалықтар агенттігі» хабарлады.

- Қолымда біздің делегация қол қойған келісім бар. Байланыс және ақпарат министрі Хорхе Родригеске оны жариялау туралы бұйрық бердім. Бұл келісімге қолымды қойып, оны толық ұстанатын боламын, - деді Мадуро.

Келісім жобасы Доминикан Республикасындағы келіссөзде талқыланған. Келіссөзде оппозиция делегациясын басқарған Венесуэла Парламентінің мүшесі Хулио Борхес келісімге қол қоймайтынын мәлімдеді.

Жуықта Венесуэланың қазіргі билігі мен оппозициясы арасындағы келіссөз президент сайлауына байланысты туындаған қайшылыққа бола белгісіз уақытқа дейін тоқтап қалған. Оппозиция өкілдері сайлауды 10 маусым күні, ал үкімет 8 наурыз күні өтсін деген талап қоюда. Алайда екі жақ 22 сәуірді таңдады.

 

Собчак Дональд Трампқа кеңес беруге дайын

Ресей президенті қызметіне үміткер Ксения Собчак Дональд Трампқа кеңес беруге дайын екенін мәлімдеді, деп хабарлайды РИА ФАН.

Қандай кеңес, қандай тақырып, қашан айтатынын Собчак нақтыламады. Бірақ TMZ ғаламтор басылымының тілшісі қойған сұрақтың аясы мүлдем бөлек болған.

Журналистің сұрағы, егер ол американдық президент Дональд Трамппен кездесіп, әңгімелесудің орайы түссе, қандай сұрақ қоятыны туралы еді.

- Президенттің кеңестерін қажет етпеймін. Одан да өзім кеңес айтамын, - деп жауап берді Ксения Собчак.