Спорт ШҚО-ның ММА спортшылары Қазақстан чемпиондары атанды
Алматыда ММА-дан Қазақстанның Бірінші біріккен чемпионаты өтіп, қатысушылар қарасы рекорд орнатты
Чемпионатқа Қазақстанның әр өңірінен 230 мықты спортшылар қатысты.
52,2 келіге дейінгі Шығыс Қазақстанның өкілі Шынар Жусупова тартысты жекпе-жекте БҚО-ның тумасы Нұржамал Сыдықованы ұтты.
56,7 кг дейінгі салмақта өткен финалына бірден екі шығысқазақстандық спортшы - Дарина Абылгазова мен Әсем Жакенова өтті. Әсем Жакенова жеңіске жетті.
Ең тартысты сайыс 61,2 келіге дейінгі салмақта өнер көрсеткен қарағандылық Сора Рахманова мен ШҚО-ның Нұрсаәуле Сархад арасында болды. Бірақ қарағандылық бойжеткен қарсыласын алғашқы секундта-ақ ойсырата ұтты. Сол себепті шығысқазақстандық спортшының секунданттары канвасқа орамал лақтырып, жекпе-жекті тоқтатты.
Ал 70,3 келіге дейінгі салмақта Шығыс Қазақстаннан Талшын Жұматаева Ақтөбе облысынан келген Күндиас Сағындықоваға үшінші раундта тұншықтыру әдісін қоланып, жеңіске жетті.
