Өскемен мен ШҚО Жексенбі күні ШҚО тас жолдарында 140 адам қар құрсауында қалды
Құбылмалы ауа райы Жарма және Үржар аудандарындағы тас жолдардағы көлік қозғалысын қиындатты
Қазіргі уақытта жағдай қалыпқа келтірілді.
Күні бойы әлеуметтік желіде Алматы-Өскемен тас жолының 857 шақырымында, яғни, Аршалы мен Үшбиік ауылдарының маңында жолда қалып қалған көліктердің суреттері жарияланды. Қар құрсауында 20 жеңіл және 40 жүк көлігі қалып қойды.
Бораннан жол көріней, бұрқасын соғуы салдарынан бұл бағыттағы жолдар жабылған болатын. Ескертулерге қарамастан, жолға шыққан автокөлік иелері қар құрсауында қалып жатты.
Жол тазарту қызметтері тас жол үстін қалың қардан тазарту үшін бірнеше сағаттарын сарп етіп, ақыр соңында жол ашылды.
Алдын ала болжам бойынша, бұл уақытта көліктерде шамамен 140 адам отырған.
Үржар ауданындағы шолпан ауылына жақын маңда да осындай жағдай орын алып, көліктер жол тазартылғанша күтуге мәжбүр болды.