Спорт "Алтай" ВК Азия клубтық чемпионатының 1/4 финалына шықты
30 сәуір күні "ALTAY" командасы "Bohai Bank Tianjin" командасымен кездесіп, қытайлықтар 3:0 (25-21, 25-18, 25-22) есебімен жеңді
"Алтай" волейбол клубының баспасөз қызметі хабарлағандай, 80 минутқа созылған ойын барысында "Алтай" командасы қарсыластарын жеңуге тырысты. Алаң қожайындары жеңіске оңайлықпен жете қойған жоқ. Бұл әсіресе 1 және 3 партиялардағы есеп көрсеткішінен-ақ көрініп тұр,
"Тяньцзинь Бохай Банк" командасы мықты команда екенін айта кеткен жөн. Бірде бір партияда жеңіліске ұшырамай, жалпы саны 9 ұпаймен "Тяньцзинь Бохай Банк" командасы А тобында көш бастап келе жатса, үш кездесуде екі мәрте жеңіске жеткен қыздар 6 ұпаймен 2-орында келе жатыр.
3 мамыр күні "Алтай" командасы ширек финалда Солтүстік Корея елінің "DPR Korea" клубымен кездеседі. Аталмыш команда 4 рет жеңіске жетіп, 1 рет жеңіліске ұшыраған, қазір 11 ұпаймен В тобында 3-орында тұр. "Алтай" командасының ойыншыларына барлық күш-жігерлерін салып, жеңіске жетулеріне тілектеспіз.