Спорт Қысқы Олимпиада: Екінші күнгі жарыстардан қазақстандықтар орын алған жоқ
Қазақстандықтар бірнеше спорт түрінен өнер көрсеткенімен, сайыста жүлделі орынға ие бола алмады
Скиатлоншы Анна Шевченко 15 шақырымдық қашықтыққа жарысқан 62 спортшының ішінде 36-шы болып келді. Елена Коломина 56-шы болып мәреге жетсе, Валерия Тюленева мәреге жете алмады. Бұл сайыста алтынды Шарлотт Калла (Швеция), күмісті Марит Бьорген (Норвегия), қоланы Криста Пармакоски (Финляндия) алды.
Шорт-трек жарысына қатысқан қазақстандық Денис Никиша 1500 метр қашықтық сайысында мәреге төртінші болып келіп, жартылай финалға өте алмай қалды. Ал Нұрберген Жұмағазиев тепе-теңдік ұстай алмай құлап, мәреге жетпеді. Мұнда Оңтүстік Корея спортшысы Лим Хё-Джун чемпион атанды.
Жеті жарым қашықтыққа жарысқан 87 биатлоншы арасында шығысқазақстандық Галина Вишневская мәре сызығын 30-шы болып, Дарья Климина 58-ші, Ольга Полторанина 83-ші, Алина Райкова 71-ші болып мәре сызығына келді.
Ал шана жарысына биыл Қазақстан алғашқы рет қатысып отыр. Бұдан Никита Копыренко 40 спортшының ішінде 35-ші болып мәреге жетті.
Әзірше, Германия екі алтын алып, алғашқы орында келеді. Кейін Нидерланды тұр: бір алтын, екі күміс, бір қола.