Оқиғалар Өскеменде есепші ақша жымқырған
Жыл бойы алаяқ компания шотынан 17 миллион теңге ұрлап келген
Басшылықтың сеніміне кірген облыс орталығының тұрғыны қызметтік жазбалар арқылы жеке кәсіпкердің коммуналдық қарыздарының көп екендігін көрсетіп келген.
Өскемен қаласының №2 сотының баспасөз қызметінің ақпаратына сәйкес, алаяқ алған сомаға компанияның коммуналдық қызметтері үшін берешегін төлеп, қалған қаражатты жеке банктік шотқа аударып отырған. Қылмыстық іс-әрекеттер нәтижесінде, есепші компанияға17 446 000 теңге материалдық залал келтірді.
Сот есепшіге бес жыл бойы бас бостандығынан айыру жазасын тағайындады және бес жыл есептік салада қызмет ету құқығынан айырды.
