Қазақстан Қазақстандық мұғалімдерге 6 млрд теңге қосымша еңбекақы берілмей қалған
Биыл ҚР Білім және ғылым министрлігі бюджет қаржысының 9 млрд теңгесін игермеген, ал оның ішінде 6 млрд теңгесі мұғалімдерге қосымша еңбекақы ретінде берілуі керек болатын
Елдің қаржы министрлігі он айдың игерілмеген қаржысын есептеп шықты. Есептеуден кейін 90 млрд теңгенің игерілмегені белгілі болды, деп хабарлайды Zakon.kz.
Ал қазына қаржысын игермеген ведомствалардың арасында көш бастап тұрған – Қорғаныс министрлігі, ол 32 млрд теңгенің "үнемдеген". Одан кейінгі кезекте 9 млрд теңгемен білім министрлігі тұр. Ал білім министрлігі қаржының неліктен бұлай артылып қалғанын түсіндіріп, облыстық білім беру басқармаларының өтінішті қажетті сомадан артық санап бергенімен байланыстырды.
- Мәселен, біліктілігін арттыру тестілеуіне 60 мың мұғалім қатысуға өтініш білдіре ме, біз онда осы 60 мың мұғалімнің еңбекақысын түгелдей көтеруге қаржы сұраймыз. Алайда ол мұғалімдердің тек 36 мыңы ғана тестілеуден өтсе, онда қалған қаржы үнемдеуге жұмсалады, - дейді ҚР Білім және ғылым министрі Е.Сағадиев.
