Қазақстан билігі антикризистік шараға бөліншен 6 триллион теңгені қайда жұмсамақ?

Елімізде дағдарысқа қарсы шараларға 5,9 триллион теңге бөлінеді. Бұл туралы қаржы министрлігінің бірінші вице-министрі Берік Шолпанқұлов айтты, деп хабарлайды Tengrinews.kz тілшісі.

Алдымен ол мемлекет басшысының тапсырмаларына сәйкес, Үкімет экономикалық және әлеуметтік тұрақтылықты қолдауға, дағдарысқа қарсы шараларды әзірлеп қабылдағанын жеткізді.

- Дағдарысқа қарсы шаралардың пакеті, салық преференциялары мен жергілікті қолдауды қоспағанда, қосымша 5,9 триллион теңге. Оның 2,5 триллион теңгесі бюджеттік емес қаржыдан, 3,5 триллион теңгесі республикалық бюджет есебінен жүргізіледі, - деді ол орталық коммуникациялар қызметінде өткен брифингте.

Осыған дейін қаржы министрі Әлихан Смаилов Президент тапсырмасы бойынша қазақстандықтарды тегін азық-түлікпен қамтамасыз етуге қанша қаржы бөлінетінін, ал ұлттық экономика министрі Руслан Дәленов елімізде экономикалық көрсеткіштер төмендеп жатқанын айтқан.