Үш мыңға жуық шығысқазақстандық Жұмыспен қамту жол картасы бойынша жұмыс тапты

ШҚО-да Жұмыспен қамту жол картасы бойынга 800 жоба іске асырылады, ол үшін 18 870 уақытша және 150 тұрақты жұмыс орны ашылды.

- Төрт ірі жоба 2021 жылға созылады. Олардың ішінде Өскемен әуежайы, Есенберлин көшесінен Жібек жолы көшесіне дейінгі, К. Маркс даңғылынан Алматы тас жолына дейінгі инженерлік-коммуникациялық инфрақұрылым құрылысы және Семейдегі Қарағайлы шағын ауданындағы кварталаралық жолдардың құрылысы бар, - деді облыс әкімдігіндегілер.

Екі күн ішінде 3 мыңға жуық адам жалақысы жақсы жұмысқа өтініш білдірген. Мамыр айының соңына дейін биліктегілер уақытша жұмыспен қамту жоспарын орындамақ.