Қазақстан Данияр Ақышев қаржы пирамидасын қалай анықтау қажеттігін түсіндірді
Ұлттық Банк басшысы қаржылық пирамидаларды қалай ажыратуға болатындығын, оның белгілері қандай екендігін айтып өтті
Бұл жайында Данияр Ақышев онлайн-конференция өткізу кезінде айтты, деп хабарлайды Tengrinews.kz.
- Қаржы пирамидалары жақсы ұйымдасқан. Өздерін жасыру үшін олар әртүрлі айлаға барады. Кәсіптерін көлеңкеде ұстап, жалған ақпар беру арқылы адамдарды алдайтындықтан, оның құрығына кез келген адам түсіп қалуы мүмкін, - дейді Ақышев.
Бас қаржыгердің айтуынша, мұндай ұйымдарды айырудың басты белгісі - олардың қолына Ұлттық Банк беретін лизенцияның болмауы. Одан кейін, қаржы пирамидасының өкілдері нарықта жоқ әрі ойда жоқтан табыла қалатын табыс көлемін айтып, адамдарды қызықтырады. Ал алаяқтар ұйымның артықшылығы деп бонустар туралы айтып, жаңадан клиент тартуын өтінеді.
- Сондықтан табысыңыз бен ақшаңызды сақтау өзіңіздің ғана қолыңызда, - дейді Ақышев.
