Қазақстан Барақтарда өмір сүретін әлеуметтік жағдайы төмен қазақстандықтар лайықты тұрғын үй ала алады
Әлеуметтік жағдайы төмен жетім балалар мен бірінші санаттағы мүгедек жандарға жалдамалы тұрғын-үй бағасы Астананың шетіндегі кейбір барақтардан әлдеқайда арзанға шығады
«Без галстуков» бағдарламасында сұхбат берген Құрылыс және ТҮКШ істері бойынша комитетінің төрағасы Мархабат Жайымбетов «Нұрлы жер» бағдарламасы бойынша екі бөлмелі пәтерге теңдессіз жалдама бағасымен қол жеткізуге болатыны туралы айтты, деп хабарланады «Қазақпарат» сайтында.
Бес бағыт бар. Біріншісі – жекешелендірусіз және сатып алусыз жалдау. Бұл әлеуметтік-осал бірінші санаттағы мүгедектер, жетім балалар және төлеуге қауқары жоқ жандарға бағытталған. Шаршы метрі 100 теңге тұрады.ү 50 шаршы метрлік екі бөлмелі пәтер жалдамасы айына 5 мың теңге тұратын болады, - дейді ол.
Ал төлеуге қауқары бар адамдар Құрылысжинақ қоры арқылы 4-5 пайыздық тұрғын үй қарызы арқылы несиелік пәтер ала алады. Оларға Алматы, Астана, Ақтау және Атырау қалаларында шаршы метрін 180 мың теңге болады. Ал өңірлерде 140 мың теңге.
