Казахстан Он екі балықшы суға батып кеткен
Суға кетіп көз жұмған жандар жайлы көп жазылғанымен, шалыс басқып жазымыш тапқан адамдардың саны азаймай отыр
Биылдың өзінде 52 адам суға кетіп қайтыс болған. Ал былтыр олардың саны елу бір болатын. Биыл бес бала суға тұншығып мерт болған. Ал 32 адам құтқарылған. Облыста барлығы екі мыңнан астам өзен-көл мен су қоймалары бар. Ертіс өзені, Бұқтырма су қоймасы мен Зайсан көлінде және Семейдегі жасанды жағажайда адам өлімі жиі орын алатын көрінеді.
Суға батқандардың ішінде балықшылар да көп. Былтыр алты балықшы суға кетіп мерт болса, биыл олардың саны он екіге жетіп отыр. 8 балықшы құтқарылған.
- Мерт болған он екі балықшының он бірінде қайық болған. Алайда қайықтың техникалық сипаты нашар әлі құтқару дөңгелектері қойылмаған. Ішімдік ішіп балық аулаған «кәсіп иелері» де бар, - дейді Шығыс өңірлік аэромобильді жедел-құтқару жасағының бас құтқарушы Анатолий Рожков.
Балықшылар арасындағы заңсыздықтарды анықтау үшін биыл 222 тексеріс жүргізілген. 105 балықшыға хаттама толтырылып, 869 мың теңгеден астам сомаға айыппұл салынған. ҚР Әкімшілік Кодекстің 583-бабы бойынша кемемен жүзу, жүк тасу қағидаларын бұзғаны үшін бір айлық есептік көрсеткіштен бес айлық есептік көрсеткішке дейін айыппұл салынады әрі кемені жүргізу құқығынан айырылады.
