Бұқтырма қоймасы арнасынан асуы мүмкін бе?

Естеріңізге сала кетсек, өткен жылдың маусым айында Қытай елінің Ертіс өзеніне суды көптеп жіберуінің салдарынан Бұқтырма қоймасының суға толуы қажетті деңгейден асып, облысымыздың бірқатар ауыл-аймақтары, Өскемен және Семей қалаларының кей өңірлерін су басқан болатын. 

- Биыл өткен жылдың жағдайы қайталанбас үшін Су бассейні инспекциясы ҚР Ауылшаруашылық министрлігімен бірлесе отырып, Қытай елінен Бұқтырма су қоймасына қарай жіберілетін судың көлемін анықтауы қажет, - деді ШҚО әкімі Даниал Ахметов.

Сонымен қатар, өңір басшысы жергілікті билік өкілдеріне Шүлбі су қоймасындағы шлюзге жөндеу жұмыстарын жүргізу үшін не істеу керектігін анықтауды тапсырды.