Казахстан Соғыс ардагерлеріне құрмет көрсетілді
Ұлы Жеңістің 72 жылдық мерекесіне орай ауданды түрлі игілікті іс шаралар бастау алды
Қатарлары тым сиреп қалған соғыс ардагерлеріне қандай сый-құрмет көрсетсең де артық емес. Бүгінде ауданда бес соғыс ардагері бар.
Жеңістің 72-ші көктемі қарсаңында сұм соғыста ерлік көрсеткен қарт майдангерлерге құрмет көрсету мақсатында облыстық бюджеттен әрбір соғыс ардагеріне 500 мың теңгеден, ал аудандық бюджеттен 100 мың теңге матералдық көмек көрсетілді.
Осы аталмыш шара аясында аудандық жұмыспен қамту және әлеуметтік бағдарламалар бөлімі басшысының орынбасары Гулнара Қонысбекова мен осы бөлімінің ардагерлер және мүгедектермен жұыс істеу секторының меңгерушісі Лязат Скакова Қасым Қайсенов кентіндегі соғыс ардагерлері Мағауия Муқашев пен Нұрмұхамет Рақышевқа 600 мың теңгеден табыс етті.
Мен соғыс ардагерлері атынан мынадай керемет қамқорлық жасағаны үшін Елбасына, облыс әкімі Даниал Ахметовке және аудан әкімі Дәулет Батырбаевқа алғысымды жеткізгім келеді. Біз қазір бақытты заманда өмір сүріп жатырмыз. Еліміздің экономикасы, әлеуеті қарыштап дамып, әрбір отбасында бақыт пен қуанышты өмірдің шұғыласы жайнай берсін,- дейді соғыс ардагері Муқашев Мағауия.
Г. Калиева, Ұлан аудандық жұмыспен қамту және
әлеуметтік бағдарламалар бөлімі басшысының орынбасары