Көпбалалы аналарға сыйақы беріледі

«Алтын алқамен», І мен ІІ дәрежелі «Ана даңқы» ордендерімен марапатталған немесе «Батыр ана» атағын алған көпбалалы аналарға 20 000 теңге сыйақы беріледі.

Айта кетейік, қалалық бюджеттен азаматтардың кей санаттарына атаулы күндер мен мереке күндеріне орай бір жолғы әлеуметтік көмек қарастырылған. Мәселен, «Күміс алқа» алқасымен марапатталған көпбалалы аналарға 15 000 теңге, ал төрт және одан аса бірге тұратын кәмелетке толмаған балалары бар көпбалалы аналарға 15 000 теңге беріледі.

Өскемен қаласының жұмыспен қамту және әлеуметтік бағдарламалар бөлімі мамандарының айтуынша, жоғарыда көрсетілген санаттағы азаматтар аталмыш әлеуметтік көмекті «Қазпошта» АҚ бөлімдері арқылы 8 Наурыздан кейін ала алады.