Казахстан Ұлан ауданында аудандық семинар өтті
2017 жылғы 24 ақпанда Жанұзақ ауылындағы «Ш. Башиков атындағы негізгі мектеп» КММ ауданның мектеп және мектепалды психологтарына арналған «Мектептегі оқуға балалардың психологиялық дайындығын қалыптастыруда психологтың қызметі» атты аудандық семинар өтті.
Семинардың мақсаты - педагогикалық тәжірибелерімен алмасу үшін ақпараттық кеңістікті құру, педагог-психологтарының кәсіби құзыреттілігін арттыру және шеберлігін жетілдіру.
Білім беру бөлімінің әдіскері Абдрахманова А. психологиялық – педагогикалық мазмұнын жүзеге асырылуы туралы айтты. Семинардың жұмысына С. Аманжолов атындағы Шығыс Қазақстан Мемлекеттік университетінің психология және коррекциялық педагогика кафедрасының оқытушысы Д.Т. Нурсолтанова және Ұлан ауданының аудандық әдістемелік кабинетінің меңгерушісі Д.А. Байжуманова қатысты.
Жұмыс барысында қатысушылар балалардың мектепке дайындығы туралы практикалық және әдістемелік ұсыныстар алды.
Ұлан ауданының білім бөлімі
әдіскер А.Абдрахманова