Казахстан С. Аманжолов атындағы ШҚМУ-да ашық есік күні өтті
Жуырда университетіміздің 5- ғимаратында облыстың жəне Өскемен қаласының мектеп бітіруші түлектеріне арналған ашық есік өткізілді
Бұл шараға 200-ден астам мектеп оқушылары мен ұстаздары қатысты.
Кездесуде факультет декандары мектеп оқушылары мен олардың жетекшілеріне маман дайындау бағыттары, оқуға түсу мен құжат тапсыру ережелері туралы кеңестер айтып, факультеттер мен мамандықтар жайлы ақпараттар берді. Ашық есік күнінің өткізілуінің ең басты мақсаты мектеп оқушыларына факультеттерде бар мамандықтар мен ғылыми зерттеу жұмыстары жайында әр кафедраның ғылыми зерттеудегі бағытын түсіндіру болып табылады. Ашық есік күні достық пейілде жақсы өтті.
Аталған шарада балаларға ШҚМУ тарихы туралы ақпарат беріліп, кітап көрмелері таныстырылды. Сондай-ақ, университет студенттері мектеп ұясынан ұшқалы отырған оқушыларға студенттік өмірдің қызыққа толы екендігін паш ететін видеороликтер көрсетіп, ән шырқап, би билеп, өнерлерін өз өнерлерін ортаға салды.