Казахстан Туберкулезге тегін тексеріле аласыз
Шығыс Қазақстан облыстық туберкулезге қарсы диспансері тұрғындарға туберкулез дертіне тегін тексерілу үшін қолайлы мүмкіндік ұсынып отыр
Яғни, 1 наурыз күні медициналық мекемеде ашық есік күні өтеді. Онда кез келген азамат келіп, тегін флюорографиялық тексерістен өте алады.
Мамандар халыққа қолайлы болуы үшін учаскелік дәрігердің жолдамасын да талап етпейді. Тек Рабочая көшесі, 6 мекенжайына 08.00-ден 13.00-ге дейін келіп, тексеруден өтсеңіз жеткілікті. Ал қорытындысы келесі күні дайын болады.
Айта кетейік, аталмыш шара 24 наурызда өтетін Бүкіләлемдік туберкулезбен күрес күніне орай ұйымдастырылмақ.
