Дәрігерлер Еуропаға жіберіледі

Ал шетелде біліктіліктерін арттырып келген дәрігерлер облыс ауруханаларында кем дегене бес жыл қызмет етуге міндетті болады.

Айта кетейік, жақында ғана Ана мен бала орталығының 12 дәрігері Лондонға барып, біліктіліктерін арттырып келді. Осы тәжірибе алдағы уақытта да өз жалғасын таппақ.

- Алдағы үш-бес жыл ішінде облыстағы 150-ге жуық жас жәрігерді оқуға жіберуді жоспарлаудамыз, - дейді өңір басшысы Даниал Ахметов. – Дәл сол уақытқа дейін 200 орындық терапевтикалық корпус пен гематологиялық орталықтың да құрылысы аяқталып қалады.

Осылайша өңір медицинасындағы көңілге қонымсыз көрсеткіштер жақсара түсер деген ниет білдірді облыс әкімі. Өйткені, Шығыс балалар өлімі мен онкологиялық аурулар бойынша әлі де көш басында келеді.

- Біз ауруханаларды заманауи құрылғылармен қамтамасыз етті, - дейді облыс әкімі. – Бұл да медициналық көмек көрсету сапасын жақсарта қойған жоқ. Сол себепті де дәрігерлердің біліктілігін Еуропаның үздік клиникаларында арттыру қажет.

Назерке Кәрімова