/ Новости Казахстана

ҰБТ-ны екінші рет тапсыру мүмкіндікгі пайда болды

ҰБТ-дан сүрінген түлектерге тестті екінші рет тапсыру мүмкіндігі пайда болып отыр
20 марта 2016 года, 07:41 3171
Новости Казахстана и регионов на сегодня. - ҰБТ-ны екінші рет тапсыру мүмкіндікгі пайда болды
Источник: © 24kz Фото: © i.ytimg.com
Еліміздің Білім және ғылым министрі Ұлттық бірыңғай тестілеуден өте алмай қалған талапкерге екінші рет емтиханды ақылы түрде тапсыруға рұқсат бермек, деп хабарлайды «24.kz телеарнасының сайты». 

Әзірге оның құны қанша болатыны белгісіз. Бүгін министр тиісті құжатты сенаторларға таныстырды. Ведомство басшысының айтуынша, елімізде Ұлттық бірыңғай тестілеуді тапсырмайтын түлектер саны жылдан-жылға артып келеді. Мысалы, биыл осындай 46 мың түлек тіркелген. Сонымен бірге, ұлттық сынақтан қашқан түлектердің көбі көрші елдердегі оқу орындарына түскен. Сонымен қатар, министрлік тест сұрақтарын өзгертуді де қолға алмақ. «Енді хандардың туған жылын емес, баланың IQ деңгейін анықтайтын сауалдар қоямыз», - дейді министр. 

Ерлан Сағадиев, ҚР Білім және ғылым министрі: 

- Тест орталығы бір баланың үйінің жанында, екінші бала 200 шақырым жүруі керек. Біреуі ұйықтаған, біреуі ұйықтаған жоқ. Балаларға екінші мүмкіндік беру керек болып тұр. Тиісті балды жинай алмаған бала екінші тестке барып, тек ақшасын төлеп, университетке кіруіне мүмкіндік беріп отырмыз.

Обсуждение

При размещении комментариев к публикациям, ознакомтесь пожалуйста, с правилами сайта.
Мы напоминаем вам о необходимости уважать собеседников.

Новости по теме

наверх