Казахстан Мерекелік күндегі жұмысыңыз қалай төленеді?
Демалыс және мереке күні жұмысқа шыққаны үшін төленетін ақы 1,5 күндік жұмыс ретінде есептелінетін болады
Фото:
24.kz
Бұл туралы жаңа Еңбек кодексіне енгізілген өзгерістер мен толықтыруларда көрсетілген.
- Егер жұмыс беруші қаласа, жұмысшыға мереке күні жұмыс істегені үшін 2-3 күдік жұмыс ретінде төлем төлеуге құқығы бар, - деді ШҚО мемлекеттік еңбек инспекциясы басқармасының басшысы Бақытбек Қизатов.
Сонымен қатар, жаңа заңнамаға сәйкес жұмыс беруші жұмысшының келісімінсіз-ақ, оның жалақысын ұстап қала алады.
- Егер іс-сапарға шыққан жұмысшы бөлінген ақшаны толығымен ұстамаса, жұмыс беруші есебінен біліктілікті арттыру оқуына барып, оны өтемей, жұмыстан шығып кетсе, жалақысынан алғытөлем алып, оны өтемей жұмыстан шығатын болса, жұмыс беруші соттың шешімінсіз жұмысшының жалақысын ұстап қала алады, - деп атап өтті Бақытбек Құмарбекұлы.
Сонымен қатар, енді жұмысшыны еңбек демалысынан жұмысқа шақыртып алу екі апта өтпей мүмкін емес.
Ақерке Ақыблекқызы
