Ақтөбеде жүріп келе жатқан автобус отқа оранды

Салоннан түтін будақтаған кезде жүргізуші не істерін білмей абдырап қалыпты, деп хабарлайды «КТК телеарнасының сайты». Өртенген автобус жергілікті қиыршық тас өндіретін мекемеге тиесілі екен. Күн сайын сол көлікпен жұмысшыларын тасиды. Ал от шыққанға дейін үш адамды ғана мінгізген. Олар автобустан шығып үлгерді. Өрт сөндірушілер келгенше көліктің құр қаңқасы ғана қалған. Тілсіз жау қозғалтқыштан тұтаныпты.