/ Новости Казахстана

Ішімдік ішкен жүргізушілер көп

Өскемен қаласының бір өзінде Қызылорда облысындағыдан артық әкімшілік іс қаралады
13 октября 2017 года, 12:45 30 Айдос Мырзахметов
Новости Казахстана и регионов на сегодня. - Ішімдік ішкен жүргізушілер көп
Источник: © Алдаспан Фото: © belnovosti.by

3 жыл бұрын облыс орталығында ғана 16 мың іс қаралған. Былтыр 10200 іс түсіп, 9 943-і әкімшілік сотпен қаралған. Биыл Өскемен қалалық мамандандырылған әкімшілік соты 8 840 іс қараған. Бұл туралы Өскемен қалалық мамандандырылған әкімшілік сотының төрағасы Сайран Ибраев 9 айлық қорытынды есебі барысында мәлімдеді. 

- Әкімшілік жазаның күшейтілгеніне қарамастан, азаматтар мас күйінде көлік жүргізуді азайтпағаны қайран қалдырады, - дейді төраға. - Биылғы 9 айлық көрсеткіш былтырғы жылдан асып түсті. 2016 жылы мұндай 719 іс, ал ағымдағы жылы 735 іс қаралды.

Дегенмен, азайған кейбір істі атауға да болады. Мысалы, қарсы жолаққа шығып кету бойынша - 368 іс, ал ағымдағы жылы 341 іс қаралған. Сол сияқты бірқатар әкімшілік іс саны да азая түскен. 

- Жақсы жаңалықтардың бірі ретінде отбасылық-тұрмыстық қайшылықтың азайғанын айтуға болады. Былтыр мұндай 1380 іс қаралса, биылғы көрсеткіш тек 1027-ге жетті, - дейді Сайран Ибраев. - Сол сияқты екі жақтың татуласуына орай 680 іс тоқтатылған.


Есеп беру жиыны барысында сот төрағасы әкімшілік заңнамадағы қаралып жатқан өзгерістер туралы, сот жұмысының болашақтағы жұмысы туралы баяндап өтті. 


Обсуждение

При размещении комментариев к публикациям, ознакомтесь пожалуйста, с правилами сайта.
Мы напоминаем вам о необходимости уважать собеседников.
наверх