Жұмыспен қамтылуға жағдай жасалуда

- Бағдарламаның бірінші бағыты, яғни, «Инфрақұрылым және тұрғын үй-коммуналдық шаруашылық саласын дамыту арқылы жұмыспен қамту» аясында «Жаңару» аймақтық бағдарламасы жүзеге асырылуда. Соның негізінде әлеуметтік бағыттағы 229 нысан жөндеуден өтеді, - деді ШҚО әкімі Даниал Ахметов.

Оның ішінде 149 білім беру нысаны, 76 денсаулық сақтау және 4 мәдениет пен спорт нысаны бар.

Сонымен қатар, кәсіпкерлік бастаманы қолдау мақсатында 1,9 млрд теңге қаражат бөлініп отыр. Соның арқасында 780 адам жеке кәсібін ашуға және кеңейтуге шағын несие ала алады.

- Кадрларды даярлау мәселесі де өте өзекті. Осы бағытта біз жұмыстар жүргізудеміз. 3 жатақхана мен 25 жеке тұрғын үйлердің құрылысы жүргізіліде, - деп атап өтті аймақ басшысы.

Айта кету керек, облыс басшылығы жұмыссыз және өз-өзін жұмыспен қамтып отырғандар қатарынан 4886 адамды жұмыспен қамтуды жоспарлап отыр.

Ақерке Рағызбаева