Тәртіп бұзған жүргізушілер ұсталды

Дегенмен тәртіп сақшылары автобус жүргізушілері жасаған жол оқиғасы былтырғы жылмен салыстырғанда аз екендігін айтады. Өйткені былтыр үш айдың ішінде 33 жол-көлік оқиғасы тіркелген.  

Ал облыс полицейлері автобус жүргізушілерін тәртіпке салу үшін екі рет рейд жүргізген. Соның нәтижесінде 1656 әкімшілік құқық бұзушылықты анықтаған. 

- Оның ішінде төрт жүргізуші мас күйінде көлік басқарғаны үшін жауапкершілікке тартылды. Ал 287 жүргізуші көлік басқару барысында ұялы телефон қолданып, 296 жүргізуші маневр жасау ережелерін бұзған, 74 жүргізуші жылдамдықты асырған, - дейді ШҚО ІІД МТАБ басшысының міндетін атқарушы Айгерім Нұрғазина.