Зайсанда заманауи спорт алаңы салынады

Мұнда футбол, баскетбол және волейбол, воркаут алаңдары болады, деп хабарлайды Устинка LIVE тілшісі.

Бұл жобаны "Самұрық-Қазына" АҚ-ның бірыңғай қайырымдылық операторы "Samruk-Kazyna Trust" қорының қаржылай қолдауымен "Катонқарағай ауданының тұрақты дамуы" қоғамдық қоры жүзеге асырады.

Спорт алаңының жалпы ауданы 1,6 мың шаршы метрді құрайды. Бұл алаңда жасанды көгалмен жабдықталған 40х20 метрлік футбол алаңы, 24х16 метрлік баскетбол-волейбол алаңы, сондай-ақ 16х16 метрлік воркаут аймағы салынады. Бүгінгі күні спорт алаңының құрылысы басталды, жоспар бойынша, ол 2024 жылдың 3-тоқсанында пайдалануға беріледі, - деп хабарлады Зайсан ауданы әкімдігі.