Өскемен мен ШҚО Зайсан қаласынан 15 шақырым жерде газ құбыры тесілді
Кеше кешке Жамбыл, Көгедай, Шалқар, Қаратал және Үлкен Қаратал ауылдары көгілдір отынсыз қалған болатын
Бүгін таңғы 5.30-дан бастап ауылдарға рет-ретімен газ беріле бастады, деп хабарлайды Устинка LIVE Зайсан ауданы әкімдігі ақпаратына сүйеніп.
Кеше сағат 18.00-де Айнабұлақ ауылының тұсындағы магистралды газ құбырынан газ шығып жатқан орын анықталып, "ҚазТрансГазАймақ" және "ИнтерГазЦентралАзия" мекемелерінің өкілдері қалпына келтіру жұмыстарына кіріскен.
Жұмысқа 6 техника, 27 адам жұмылдырылды, қосымша өрт сөндіру мекемесінен 2 техника, 7 адам тартылды. Оқиға салдарынан Жамбыл, Көгедай, Шалқар, Қаратал, Үлкен Қаратал ауылдарына уақытша газ беру тоқтатылды. Қалпына келтіру жұмыстары түнімен тоқтаусыз жүргізілді, - деп хабарлады аудан әкімдігі.
Аудан әкімдігі газ құбырындағы жөндеу жұмыстары аяқталғанын мәлімдеді. Сағат 5.30-дан бастап ауылдарға рет-ретімен газ беріле бастады.
