Өскемен мен ШҚО Зайсанда ет өңдейтін және қызыл кірпіш шығаратын зауыттар салынады
Шығыс Қазақстан облысының әкімі Нұрымбет Сақтағанов Зайсан ауданының халқымен кездесті
Зайсан ауданында агроөнеркәсіптік кешен, құрылыс индустриясы және туризм салаларында жаңа кәсіпорындар салынады, деп хабарлайды Устинка LIVE тілшісі.
Өңірлік жалпы ішкі өнімдегі өнеркәсіптің үлесі 40% болатындығын және сыртқы ахуалдың әсерін ескере отырып, біз экономиканы әртараптандыру жұмыстарын жалғастырып келеміз. Экономиканың жыл сайынғы өсімін қамтамасыз ету үшін облыста өңірлік жобалық кеңсе құрылып, барлық қала мен аудандар бойынша бес жылдық экономикалық өсу нүктелерінің жоспарлары, сондай-ақ ауылдық округтерге арналған "Жол карталары" бекітілді. Әрбір аудан әкімімен 2025 жылға дейінгі KPI-ға қол жеткізуге бағытталған, нақты жобалар мен іс-шараларды қамтитын меморандумдар жасалды, – деді облыс әкімі.
Биыл Зайсан ауданында, атап айтқанда, Дайыр ауылында минералды және алкогольсіз су өндіретін цех ( "ARNNA MINERALS" ЖШС) ашу жоспарланып отыр. Сонымен қатар, Зайсан қаласында ет өңдеу зауыты ("Шығыс АС"ЖШС) және қызыл кірпіш шығаратын зауыт ("Саялым" ЖШС) салу, сондай-ақ көкөніс пен жемістерді қайта өңдейтін цехты (ЖК "Ринат") іске қосу жоспарлануда.
Бұдан бөлек, Айнабұлақ ауылында кемпинг (ЖК Пушпаков Е.) салу және Қарабұлақ ауылындағы балық өңдеу зауытын ("Zaisan-Balyq" ЖШС) қалпына келтіру көзделген.