Өскемен мен ШҚО Зайсан ауданында саяқ шегірткелерін улау жұмыстары басталды
Химиялық өңдеу жүргізілген жерлерде жеті күн аралығында мал жаюға болмайды
Бұл туралы Зайсан ауданының әкімдігі ескертті, деп хабарлайды Устинка LIVE тілшісі.
19 мамырдан бастап Зайсан қалалық, Кеңсай, Қарабұлақ, Айнабұлақ, Дайыр, Біржан, Сарытерек, Қаратал және Шілікті ауылдық округтерінде облыстық бюджет есебінен зиянды организм - саяқ шегіртке дернәсілдеріне қарсы химиялық өңдеу жұмыстары атқарылатын болады. Ан ұшағымен барлығы 9000 га жер телімі өңделеді, - деп мәлімдеді аудан әкімдігі.
Өсімдіктерді қорғау саласындағы техникалық регламентке сәйкес химиялық өңдеу жұмыстары атқарылатын алаңдарда, өсімдіктерді қорғау құралдарының (пестицидтер) қауіптілігіне байланысты, кем дегенде 7 күн аралығында үй жануарларын жаюға тыйым салынады. Ара шаруашылығымен жұмыс жасайтын шаруашылықтар ара ұяшықтарын өңдеу алаңдарынан 4-5 шақырым ара қашықтыққа көшірулері қажет.