Өскемен мен ШҚО Өскеменде пробациялық есепте тұрғандарға тексеріс күшейді
Өскемен қаласында 17-22 мамыр аралығында "Есептегі элемент" жедел-профилактикалық шарасы өткізілуде
Мұндағы басты мақсат - пробациялық есепте тұратын, оның ішінде өтелмеген және алынбаған соттылығы бар тұлғалардың қайта қылмыс жасауының алдын алу, деп хабарлайды Устинка LIVE тілшісі.
Өскемендегі Солжағалау аудандық пробация қызметі бөлімінің аға инспекторы, әділет капитаны Гүлжан Таткенованың айтуынша, шара аясында сотты болған азаматтарды тексеру жүргізіледі.
Әкімшілік құқық бұзушылықтар жасау және сотпен белгіленген міндеттерді орындамаған, шектеулерді бұзу дәйектері орын алған азаматтарды әкімшілік қадағалау жұмыстары жүргізіліп, белгіленген тұлғалардың өмір салты мен мінез-құлқын бақылау жұмыстары қамтамасыз етілуде, - деді Гүлжан Мұхтарбекқызы.