Өскемен мен ШҚО Зайсан ауданында құрғақ шөп пен қамыс өртенді
Зайсан ауданының Біржан ауылдық округіне қарасты Шұбырағаш аумағында өрт шықты
Өртті сөндіру үшін Ми-8 тікұшағы әуеден су төгуде, деп хабарлайды Устинка LIVE тілшісі.
Өрт ошағы батпақты, қолжетімсіз жерде орналасқан. Өртті сөндіруге барлығы 85 адам, 15 техника бірлігі жұмылдырылған. Оның ішінде ТЖД мамандары, орман шаруашылығы мен жергілікті атқарушы орган қызметкерлері бар. Қосымша: 20 адам, су таситын көлік, соқасы бар трактор және жүк тиегіш жіберілді, - деп хабарлайды ШҚО ТЖД.
Одан өзге, Ми-8 тікұшағы әуеде жұмыс істеп жатыр, бортында 11 құтқарушы бар. Барлық қажетті құтқару жабдықтары тиелген. Сондай-ақ тікұшақты жанармаймен қамтамасыз ету үшін жанармай таситын көлік те жолға шықты.
Өртті сөндіру жұмыстарын екпінді жел (19–20 м/с дейін) қиындатып отыр.