Өскемен мен ШҚО Өскеменде жол шетіне шығып кеткен көлік аударылып қалды
Жол-көлік оқиғасы дүйсенбі күні сағат 15.30 шамасында Протозанов даңғылында орын алды
ШҚО ПД баспасөз қызметі мәлімдегендей, Тойота автокөлігінің жүргізушісі қауіпсіз қашықтықты сақтамаған. Алдында тоқтаған Exeed маркалы көлікке соғылып, жолдың шетіне ұшып барып, аударылып қалған, деп хабарлады Устинка LIVE тілшісі.
Exeed көлігі инерция күшімен алдындағы көлікке соғылған.
Тойота жүргізушісіне қатысты ҚР ӘК 610-бабы 1-бөлігі бойынша әкімшілік хаттама толтырылды. Енді оған 20 АЕК айыппұл тағылуы мүмкін немесе жарты жылға көлік жүргізу куәлігінен айырылуы мүмкін.