Өскемен мен ШҚО Өскеменде көлік өзенге ағып кеткен
Көлік тұрағына дұрыс қойылмаған автомобиль Ертіске ағып кеткен
Оны байқаған куәгерлер дереу құтқарушыларды шақыртқан, деп хабарлайды Устинка LIVE тілшісі.
Өскемен қаласының Самал саябағы ауданында куәгерлер Ертіс өзенінен көлікті көріп қалып, құтқарушыларға хабарласқан. Оқиға орнынан жеткен ШҚО ТЖД Жедел-құтқару жасағы қызметкерлері жағадан 100 метрде су ішінде тұрған «Subaru Impreza» маркалы көлікті көрген.
Сүңгуір жабдығының көмегімен құтқарушылар көліктің ішін қарап шықты, зардап шеккен және қаза болғандар жоқ. Белгілі болғандай иесі көлікті қойған кезде қауіпсіздік шараларын орындамаған, сол себепті көлік Ертіске қарай сырғып кеткен, - деп мәлімдеді ШҚО ТЖД.
ШҚО ТЖД көлік иелеріне қауіпсіздік ережелерін сақтауды сұрайды.
Төтенше жағдай кезінде 112-ге хабарласыңыз.
