Өскемен мен ШҚО Бүгін Өскемендегі саябақтар ашылды
Бірлік күніне орай қаладағы бірнеше саябақ ашылып, жаңа маусымдағы жұмысын бастады
Балалардың сүйікті демалыс орындарының бірі – Металлургтер саябағы жаңаша түрленіп келушілерді қарсы алды, деп хабарлайды Устинка LIVE тілшісі.
Өткен жылы саябақ ішінде алғашқы жөндеу жұмыстары басталған болатын. Қазіргі уақытта мердігерлер абаттандыру жұмыстарын жүргізіп жатыр. Мұндағы аттракциондар жаңартылып, Қазақстан халықтарының бірлігі күніне орай өз жұмысын бастады.
Кәсіпкерлер балаларға арналған әткеншектер, баттуттар мен аттракциондар санын көбейткен.
"Металлург" паркінің ашылғанына қуаныштымыз, - дейді қала тұрғыны Гүлшат Рахимова. - Сүйікті мерекені отбасымен атап өту үшін балаларымызды алып осында келдік. Саябақтың ішін жөндеп, абаттандырып жатқаны жақсы болды. Бұл қаладағы тамаша демалыс орындарының бірін болмақ.
Бүгінгі мерекеге орай мұнда түрлі жарыстар, викториналар, ән-би сайыстары ұйымдастырылуда. Мерекелік бағдарлама тек қана балаларды емес, ересектердің өзін де елітіп әкетеді.
