Өскемен мен ШҚО Ескі австриялық жолдағы көпірді жөндей бастады
Көктемгі селдің салдарынан Марқакөлден Катонқарағайға апаратын ескі жолдағы көпір қирап қалған
Катонқарағай ауданы әкімдігі көпірді жөндеуді қолға алды, деп хабарлайды Устинка LIVE тілшісі.
Негізінен бұл нысан Қазақстан Республикасы Ұлттық қауіпсіздік комитеті Шекара қызметінің Шығыс Қазақстан облысы бойынша департаментінің балансында есепке алынған. Дегенмен аудан әкімшілігінің көмегімен және қаражатымен көпір алдағы уақытта жөнделеді, - деп хабарлады аудан әкімдігі.
Айта кетейік, Күршім және Катонқарағай аудандары арасындағы байланысты жақсарту үшін I дүниежүзілік соғыстың австриялық әскери тұтқындары 1914-1916 жылдары соқпақты кеңейтіп, қайта құрды. Осыдан кейін халық арасында жолды "Ескі австриялық жол" деп атап кетсе керек. Бүгінде бұл әлемнің түкпір түкпірінен туристер келетін ерекше орындардың біріне айналған.