Өскемен мен ШҚО Топқайың ауылына интернет қосу жұмыстары жүріп жатыр
Қазіргі таңда антенналық діңгек құрылымының құрылысы аяқталуға жақын
ӘЖ-10 кВ әуе желісі орнатылып, трансформаторлық қосалқы станцияны монтаждау жұмыстары аяқталды, деп хабарлайды Устинка LIVE тілшісі.
Бұл жұмыстарды мердігер "AGM Service" ЖШС атқарып жатыр. Компания директоры Маркенжан Жәнібековтің сөзіне сүйенсек, қазіргі таңда ӘЖ-10 кВ әуе желісі, КТП орнату, шұңқыр қазу, антенна-мачта құрылымын орнату жұмыстары 100% орындалған.
Қазіргі уақытта нысанның құжаттамасы аудандық ТҮКШ балансына беру үшін ХҚКО-да тіркеуден өтуде.
Естеріңізге сала кетейік, 2023 жылдан бері ШҚО-да "Қолжетімді интернет" жобасы жүзеге асырылуда. Жоба аясында 25 антенналық діңгек құрылымын орнату көзделген. Биыл облыстағы 52 елді мекенді тұрақты интернет байланыспен қамтамасыз ету жоспарланған болатын. Ал 2025 жылы тағы 62 ауылға интернет беріледі.
