Өскемен мен ШҚО Аршаты-Берел жолында жөндеу жұмыстары жүріп жатыр
Ұзындығы 12,8 км-ді құрайтын Аршаты – Берел жолына түгелдей құм, тас төгіліп, грейдермен тегістелді
Фото:
Катонқарағай ауданы әкімдігінен
Биыл бұл жолды жөндеуге 157 млн теңге бөлінген, деп хабарлайды Устинка LIVE тілшісі Катонқарағай ауданы әкімдігі ақпаратына сүйеніп.
Жөндеу жұмыстарын Катонқарағай ауданының тұрғын үй-коммуналдық шаруашылық, жолаушылар көлігі және автомобиль жолдары бөлімінің тапсырысы бойынша мердігер – "Өскемен Тазалық" ЖШС жүргізіп жатыр.
Сметалық құжат бойынша құм, тас төсеуден бөлек 3 көпір және 1 су өткізгіш құбыр жөнделуі керек. Аталған жұмыстар қажетті материалдар әкелінгеннен кейін жүргізіледі. Осылайша, 2025 жылға жолды орташа жөндеу, яғни асфальт жабындысын төсеу жұмыстарына дайындық аяқталады, - деп мәлімдеді аудан әкімдігі.