Өскемен мен ШҚО Семейліктер зейнетке 45 жастан шығуы мүмкін бе?
Егер заңға өзгеріс енгізілсе, Семей полигонынан зардап шеккендер 45 жастан бастап зейнетке шығатын болады
Бұл туралы Еңбек және халықты әлеуметтік қорғау министрі айтты, деп хабарлайды Устинка LIVE "Хабар 24-ке" сілтеме жасап.
Семей ядролық сынақ полигонынан зардап шеккен азаматтар зейнетке ерте шығуы мүмкін. Егер қоғам тарапынан сұраныс болса, 1992 жылы қабылданған полигон туралы заңға тиісті өзгеріс енгізіледі. Еңбек және халықты әлеуметтік қорғау министрі Тамара Дүйсенова Семейде өткен үкіметтік емес ұйым мүшелерімен кездесуінде осылай мәлімдеді.
Айтуынша, қазіргі уақытта Денсаулық сақтау және Экология министрліктерінің өкілдері ядролық сынақ тақсіретін тартқан аймақ тұрғындарының денсаулығына зерттеу жүргізіп жатыр. Соның негізінде заңға тиісті өзгеріс енгізілуі мүмкін.
Заң өз орнында қалады. Екіншіден, өзгеріс қажет болса, арнайы институттар өз ұсыныстарын беретін болса, әрине өзгерістер енгізіледі. Заңға сәйкес Семей полигонынан зардап шеккен азаматтар 45 жастан зейнетке шығады, - деді басшы.
