Семейде табиғи саябақ салынбақ

Абай облысының  әкімі Нұрлан Ұранхаев  Ертіс өзенінің ортасындағы "Бейбітшілік" аралына табиғи саябақ салу жоспарын "QazaqGeography" РҚБ басқарма төрағасы Орман Нұрбаевпен бейнебайланыс арқылы талқылады.

Жобаның негізгі мақсаты – экотуризмді жақсарту.  Бейбітшілік аралына табиғи саябақ салу арқылы түрлі өсімдіктер отырғызылып, сирек кездесетін құстардың алуан түрін өсіру жоспарланған. Табиғи саябақта география, мәдениет, өлкетану, экологиялық туризмге арналған орындар бой көтереді. Сондай-ақ, қарияларға арналған арнайы аумақ пен құстарды тамашалауға арналған бұрыштар да салынады.

Біз экоурбанизмді дамыту үшін де бірлесіп жұмыс жасауға дайынбыз. Табиғи саябақты салуға арнайы орындар жеткілікті, - деп атап өтті Нұрлан Ұранхаев.