Өскемен мен ШҚО Риддерде түн ортасында төрт пәтерлі үйдің тұрғындары эвакуацияланды
Риддер қаласындағы 4 пәтерлі тұрғын үйдің іргетасының төсеніші құлап кеткен
Фото:
ШҚО Өңірлік коммуникациялар қызметінен
Оқиға кеше түнде шамамен сағат 23-те орын алған, деп хабарлайды Устинка LIVE тілшісі ШҚО Өңірлік коммуникациялар қызметі ақпаратына сүйеніп.
Бұл үйдің маңында жылу құбырларын жөндеу барысында жер қазу жұмыстары жүргізіліп жатқан. Техникалық қауіпсіздік талаптары бұзылса керек, ақыры осындай келеңсіздікке соқтырған.
Ақпаратқа сүйенсек, үйдің 12 тұрғыны аман, зардап шеккен ешкім жоқ. Үйдің іргетасы орнында, еш қауіп жоқ.
Әкімдік және ТЖ басқармасының мамандарынан жедел түрде арнайы топ құрылып, оқиға салдарын зерттеп, мәселені шешуде.
Әйтсе де тұрғындар бұл түнді туыстарының үйінде өткізген.
