Өскемен мен ШҚО Риддерде түн ортасында жер үйлердің бірінде өрт шықты
Өрт сөндірушілер жеткенше куәгерлер мен полиция экипажы үй тұрғындарын жалын ортасынан алып шықты
Кеше түнде Риддер қаласында жеке үйде өрт болды. Өртті байқаған көршілер "101" қызметін шақыртқан, деп хабарлайды Устинка LIVE тілшісі.
Өрт сөндірушілердің келуін күтіп тұрмаған көршілері Рустам Матчанов пен Бейбіт Қадылбеков жанып жатқан үй ішінен 1978 жылы туған әйелді алып шыққан. Ол үйде тағы да бір адам мен күшіктің қалып қойғанын айтқан.
Полиция қызметкері Азат Баймұхаметов пен куәгер Бейбіт Қадылбеков екінші терезені сындырып, 1958 жылғы әйел мен итті құтқарды, - деп мәлімдеді ШҚО ТЖД баспасөз қызметі. - Оқиға орнына келген өрт сөндірушілер 50 ш.м. алаңда өртті сөндірді. Шатырдың ағаш конструкциялары, төбе жабындары, қабырғалар, ішкі бөлімдер, терезе және есік блоктары, жиһаз өртенген. Өртті сөндіруге жеке құрамнан барлығы 16 адам және 4 бірлік техника жұмылдырылды.
Өрттің алдын ала себебі - абайсыздық.