Риддерліктер батыр Төлеген Тоқтаровты еске алды

Шара Төлеген Тоқтаровтың есімімен аталған орталық көшелерінің бірінде өтті, деп хабарлайды Устинка LIVE тілшісі.

Төлеген Тоқтаров 1920 жылы Шығыс Қазақстан облысында дүниеге келген. Ол Ұлы Отан соғысының майдандарында шайқасып, тек өз заманының ғана емес, кейінгі ұрпақтың да қаһарманына айналды. Соғыс жылдарында Отанын қорғау жолында ерлік пен батылдықтың үлгісін көрсетті. Жеке ерлігі мен батырлығы үшін көптеген марапаттарға ие болды. Оның ерлігі туралы естеліктер өңір тұрғындарының жүрегінде мәңгі сақталып, Төлеген Тоқтаровтың есімі - ерлік пен отансүйгіштіктің символына айналды.

Жеңістің 80 жылдығына орай Риддер қаласындағы Тоқтаров көшесі жаңаша түрге енді: мұнда батырдың өмірі, жауынгерлік жолы мен Ұлы Жеңіс туралы баяндайтын тақырыптық көрмелер ұйымдастырылды. Қала тұрғындары мен қонақтары архивтік материалдармен, фотосуреттермен және тарихи құжаттармен танысып, бейбіт өмірдің қандай құрбандықпен келгенін тағы бір мәрте еске алды.

Мерекенің ерекше сәттерінің бірі — жас кадеттердің салтанатты шеруі. Олар сап түзеп, әскери тәртіп пен патриоттық рухтың үлгісін көрсетті. Кешкісін Мәдениет сарайының шығармашылық ұжымы концерт қойды.