Өскемен мен ШҚО Күршім ауданындағы өзендерде мұз жару жұмыстары жүргізілді
Өзендердегі мұз кептелісі өңірдегі су тасқыны жағдайын едәуір қиындатуы мүмкін
ШҚО ТЖД мамандары тасқынның алдын алу мақсатында облыстағы өзен-көлдерде мұз жару жұмыстарын жалғастыруда, деп хабарлайды Устинка LIVE тілшісі.
Күршім ауданында Маралды және Теректібұлақ ауылдарының маңында өзендердегі мұзды ұсақтау жұмыстары жүргізілуде. Бұл судың арнасынан аспай, еркін өтіп, аумақтарды су басудың алдын алуға мүмкіндік береді. Жалпы жүргізілген жұмыстардың көлемі 21700 шаршы метрді құрады.
Бұл іс-шаралар су тасқыны кезеңінде қолайсыз жағдайлардың алдын алуға бағытталған. Осындай тәсіл мұз жамылғысын бұзып, оның қозғалуын жеңілдетеді. Негізгі мақсат – мұз кептелістерінің алдын алу, – деп атап өтті ШҚО ТЖД бастығының орынбасары Амангелді Еңсегенов.